Чехиялык миллионер жана алып баруучу Камил Бартошек өзүнүн тасмасындагы кодду чечмелей алган адамга миллион доллар убада кылган. Бирок, табышмакты эч ким таба алган эмес. Ошондуктан, ал миллион долларды катталуучуларынын баарына таратып берүүнү чечкен.
Ал өзүнүн катталуучуларына атайын бир жерди даярдап, аларга жөнөткөн. Бул жер Прагадан 30 километр алыстыкта талаа болуп чыккан.
Белгиленген саатта ал жерде тик учак пайда болуп, тик учактан бир миллион доллар акча жааган. Ал убакта жер бетинде миңдеген адамдар рюкзактарын кармап блогерди күтүп турушкан. Жыйынтыгында келгендер бир саатка жетпеген убакытта рюкзактарына 1 долларлык банкнотторду салып кетишти.
