Коңшу мамлекеттердин бирине кирүү үчүн, паспортуна “кирүү” деген штампты жасалма кылган жаран кармалды. Бул тууралуу УКМКдан билиришти.
Маалыматка караганда, 26-октябда, паспортуна «кирүү» деген штампты жасалма кылып, «Чоң-Капка-унажолу» өткөрүү пунктундан Казакстанга өтүүгө аракет кылган, Өзбекстандын Фергана облусунун Кош-Тепин районунда 1984-жылы туулган Г.Ф.Ш. аттуу Өзбекстандын жараны кармалды.
Аталган факт Кылмыш-жаза кодексинин 378-беренесинин 1-бөлүмү (Мамлекеттик чек араны мыйзамсыз кесип өтүү) боюнча Кылмыштардын бирдиктүү реестрине катталып, сотко чейинки өндүрүш иштери жүрүп жатат.
Кармалган шектүү Талас ОИИБ убактылуу кармоочу жайына киргизилип, учурда тиешелүү иликтөө иштери жүрүп жатат.