Бишкекте Россия, Азербайжан, Казакстандын жогорку аскердик окуу жайларына тапшырган курсанттар салтанаттуу ант берди. Бул тууралуу Коргоо министрлигинин маалыматтык камсыздоо кызматынан билдиришти.
Иш-чара 20-август күнү Ата-Бейит мемориалдык комплексинде болуп өтүп, ага Коргоо министрилигинин өкүлдөрү, курсанттардын ата-энелери жана жакындары катышты. Бул жылы чет мамлекеттик жогорку аскердик окуу жайларга 40дан ашык кыргыз жарандары тапшырып, ийгиликтүү өткөн.
Белгилей кетсек, курсанттар буга чейин тереңдетилген медициналык текшерүүдөн, дене-тарбиялык даярдыгы боюнча нормативдерден, предметтик жана психологиялык тесттерден өтүшкөн.
