1-майда Чолпон-Ата шаарынын «Рух ордо» маданий комплексинде «Урааным Манас» аталышындагы «Манас» айтуу боюнча республикалык кароо-сынагынын алкагында 2 миңдей окуучу «Манас» айтышты. Бул тууралуу президенттин Ысык-Көл облусундагы өкүчүлүгүнөн билдиришти.
Аталган сынак КР Президенттин «Кыргыз элинин баа жеткис руханий мурасы – «Манас» эпосунун үчилтигин («Манас», «Семетей», «Сейтек» эпосторун) ар тараптан изилдөө жана популярдаштыруу боюнча кошумча чаралар жөнүндө» жарлыгын аткаруу, улуттук маданий жана руханий дөөлөттөрдү сактап калуу максатында өткөрүлүүдө.
