Ошто Чолпонбай Түлөбердиев атындагы мектептин музейине баатырдын мүрзөсүнөн алынып келген топурак тапшырылды.
Жапалак айыл аймагындагы аталган мектепте «Эрдигиңе таазим» аттуу иш-чара болуп, ага калаа башчысы Жеңишбек Токторбаев, Ош шаардык кеңешинин төрагасы жана Россия кызматташтыгынын Ош шаарындагы өкүлү Дмитрий Аврам катышкан.
Катышуучулар баатырды эскерип, жаңы орнотулган стеллага гүлчамбар коюшту.
19 жашында согушка аттанган Түлөбердиев Дон дарыясынын жээгинде баатырларча курман болуп, сөөгү Воронеж шаарына коюлган.
