28-июлга карата коронавирус дагы 996 адамдан аныкталды. Бул тууралуу Республикалык штаб билдирет.
Маалыматка ылайык, анын ичинде Бишкек шаарында – 603, Ош шаарында –9, Чүй облусунда – 126, Ош облусунда – 26, Талас облусунда – 12, Нарын облусунда – 14, Ысык-Көл облусунда – 56, Жалал-Абад облусунда – 92, Баткен облусунда – 58 адамдан илдет табылган.
«Ал эми бир суткада 1 миң 723 адам илдеттен сакайды», — деп айтылат билдирүүдө.
Сутка ичинде COVID-19 илдетинен өлкө боюнча 13 бейтап каза болгон.
Бүгүнкү күндө стационарларда коронавирустан 3 миң 928 бейтап, амбулатордук түрдө 12 миң 528 адам дарыланууда.
Кыргызстанда пандемия башталгандан бери 160 миң 85 адам коронавирус жуктурган. Алардын ичинен 140 миң 39 киши айыгып чыкса, 2 миң 288 адам каза болду.
