Улуттук эмдөө программасы иштелип чыккандыгын Саламаттыкты сактоо министри Алымкадыр Бейшеналиев түз эфирде билдирди.
Анын айтымында, биринчи кезекте дарыгерлерге, мугалимдерге, чек арачыларга, башкача айтканда, эл менен түз иштешкен кызматкерлерге эмдөө жүргүзүлөт.
«Андан кийин өнөкөт оорулары менен жабыркаган адамдар жана 65 жаштан жогору курактагылар эмдөөдөн өтүшөт. Ал эми ыктыярчылар үчүнчү этапта эмделет», — деди министр.
Ал белгилегендей, бардык баскычтарда эмдөө ыктыярдуу түрдө жана акысыз жүргүзүлөт.
