Бүгүн, Жалал-Абадда Дүйнө чемпионатында байгелүү орундарды алып келген спортчуларды тосуп алышты.
Маалыматка ылайык, 28-31-октябрь күндөрү белбоо күрөшү боюнча мелдеш Татарстандын Казан шаарында болуп өткөн.
Анда 75 кг салмак боюнча күрөшкөн кыргызстандык спортчу, милициянын старшинасы Ирлан Казбек уулу дүйнө чемпиону болду. Ал эми 82 кг салмакта Искак Раззаков атындагы спорт мектебинин тарбиялануучу Элдияр Сексенбаев жана 70 кг салмакта Адилет Кубатбек уулу 2-орунду багындырышкан.
Спортчуларды тосуп алуу аземине жергиликтүү бийлик өкүлдөрү, машыктыруучулар, спортчулардын кесиптештери жана жакын туугандары катышышып, сыйлыктар тапшырылды.
