Бүгүн Жогорку Кеңештин жыйынында депутат Жанар Акаев акыркы учурда Кыргызстанда балдарга зордук-зомбулук көбөйгөнүн айтып, өкмөттү балдардын укугун коргоого чакырды.
Мындан тышкары мектеп окуучуларын ар кандай массалык иш-чараларга тартууга тыюу салуу керектигин билдирди.
«Акыркы күндөрү балдар жөнүнүндө өтө өкүнүчтүү, көйгөйлүү жаңылыктар чыгып жатат. Балдарга болгон мамилени түп тамырынан бери өзгөртүшүбүз керек. Ошондой эле, чиновниктерди тосуп алууга балдарды тарткан иш-чаралардын баарын сүрөткө тартып чыгарыш керек. Балдарды кыштын ызгаарында да гүл карматып коюп коюшат. Массалык иш-чараларга тартылган балдар эси ооп жыгылган да учурлар болду. Ага такыр жол берилбеши керек”, — деди ал.
