Париждеги Олимпиаданын катышуучусу, дзюдочу Эрлан Шеровго Бишкектен батир берилет.
Мэриянын тиешелүү долбоору бүгүн Бишкек шаардык кеңешинде жактырылды. Депутаттар мэриянын “Азия оюндарынын чемпионуна муниципалдык турак жайды акысыз берүү жөнүндө” сунушун талкуусуз колдошкон.
Шеровго батир Туңгуч кичи районунан менчиктештирүү жолу менен ыйгарылат.
Эске салсак, Эрлан Шеров Олимпиадада 1/8 финалда испаниялык Тристан Мосахлишвилиге жеңилген. Ал Азия оюндарынын жеңүүчүсү, дүйнө чемпионатынын коло байге ээси жана дүйнөдөгү 17 мыкты балбандын тизмесинде турат.
