Вице-премьер-министр Эдил Байсалов: Мурдагы президенттер менен башка жетекчилерди сындай бергенден алысмын, бирок акыркы 2-3 жылдагы өзгөрүүлөр көрсөтүп жаткандай, бийликке келгендер уурдабаса жана уурдатпаса эле, мамлекет өнүгүп, казынага киреше түшүп, карапайым элдин турмушу оңолот экен да. Ошол эле учурда мындай жетишкендиктер – иштин башталышы гана деп силерди ишендирип кете алам. Алдыдагы пландар зор.
Кыргызстандын жетишкендиктери тууралуу бийлик өзү же ага жагалдангандар гана айтпастан, мисалга, аны АКШнын Республикалык институтунун көз карандысыз изилдөөсү дагы көрсөтүп жатпайбы. Мурда Кыргызстан эл аралык чөйрөдө жакыр өлкө катары гана кабыл алынчу жана биз өзүбүз дагы ошондой мүнөздөмөгө көнүп алып, өзүбүздү ошондой алып жүрчүбүз. Азыр болсо кыргыз өкүлдөрү башка мамлекеттердин же эл аралык уюмдардын жетекчилери менен жолукканда, жүздөрү ачык…
