Бүгүн, 28-август Легендарлуу Парламенттин төрагасы Медеткан Шеримкулов «Эгемендүү Кыргызстан» ардак белгиси менен сыйланды. Сыйлыкты Кыргызстан элинин Ассамблея кеңешинин төрагасы Абдыганы Эркебаев тапшырган. Бул тууралуу ассамблеянын өкүлдөрү кабарлады.
Коомдук жана мамлекеттик ишмер Медеткан Шеримкуловду сыййлоо Кыргызстандын көз карандысыздыгынын 30 жылдыгына карата уюштурулган.
Эске салсак, Медеткан Шеримкуловдун төрагалыгы менен Жогорку Кеңеш Кыргыз Республикасынын суверенитети тууралуу декларация кабыл алып, 1991-жылдын 31-августунда Кыргызстан көз карандысыз өлкө болуп жарыяланган. Быйыл эгемендүүлүккө туура 30 жыл толду.