Бишкек шаарынын тургундары Эгемендүүлүктүн 30 жылдык майрамынын урматына эс алып, 4 тонна таштанды таштап кетишкен. Бул тууралуу борбор калаанын мэринин басма сөз кызматы билдирди.
Маалыматка ылайык, Ала-Тоо аянтында Эгемендүүлүк майрамы майрамдалгандан кийин, «Тазалык» ЖКнын кызматкерлери 4 тонна таштанды чыгарышкан.
Тазалоо иштерине жалпысынан 8 бирдик атайын техника тартылган. Анын ичинен 5 таштанды жыйноочу жана 3 суу себүүчү машина. Таң эрте ишкананын 60 кызматкери үзгүлтүксүз иш алып барышууда. Таштандыларды тазалоо иштери түнкү саат 2ге чейин созулган.
