Экс-президент Сооронбай Жээнбеков президенттик башкарууну тандаганын айтты. Бул тууралуу ал бүгүн шайлоо участкасына барган учурда журналистке билдирген.
Бүгүн, 10-январда өлкөнү башкаруу формасын аныктоо жана мөөнөтүнөн мурда президентти шайлоо өткөрүлүп жатат.
Шайлоого экс-президент Сооронбай Жээнбеков да катышты. Ал шайлоого жан сакчылары менен келип журналисттердин шайлоо тууралуу берген суроолоруна толук маалымат берүүдөн баш тарткан.
Маалым болгондой, Жээнбеков Бишкектеги №1327 шайлоо тилкесинде добуш берди.
