Жогорку окуу жайлар жаңы жылдан кийин ачылат. Бул тууралуу вице-премьер-министр Эльвира Сурабалдиева өзүнүн Twitterдеги баракчасына жазып чыкты.
Ал жарандарды бир аз чыдап турууга чакырды.
«Бала бакчаларын ачуу маселеси шаарларда орчундураак, аны чечип жатабыз. Оор абалдагы жана өнөкөт оорулуулардын агымын көтөрө алабызбы — маселе ошондо», — деп жазды ал.
Эльвира Сурабалдиеванын айтымында, мектептер жабылгандыктан, ата-энелер мугалимдер менен сүйлөшүп, акча төлөп, балдарын өзүнчө окутуп жатышат.
«Мектептерди ачуу боюнча бир гана маселе турат — окуу жайларын ата-энелердин жана мугалимдердин өтүнүчү менен ачуу. Алар ижарага бөлмө алып, балдарын окутуп жатышат. Мындай махинациялардын мааниси барбы?» — дейт аткаминер айым.
