Эмен паркында заманбап тышкы чырактарды «Бишкекжарык» муниципалдык ишканасынын адистери орнотушту. Бул тууралуу мэриянын басма сөз кызматы билдирди.
«Жер астындагы ыкма менен жүргүзүлгөн иштердин жүрүшүндө ПВХ түтүгүнө 80 сантиметр тереңдикте 650 метр кабель чубалгылары салынган. Эки катмар боёк менен боёлгон 17 жаңы жарык берүүчү түркүк жана бетон негиздери орнотулду. Учурда паркта 73 сырткы жарык түркүктөрүн тазалоо жана сырдоо иштери жүрүп жатат»,- деп берилет билдирүүдө.
Белгилей кетсек, «Ата-Түрк» паркында, Таттүбүбү Турсунбава атындагы сейил багында дагы жаңы курулуш жана жарыктандырууну реконструкциялоо иштери жүргүзүлүүдө.