Францияда 15 жашка чыга элек балдарга социалдык тармактарды колдонууга тыюу салынды. Бул тууралуу DW басылмасына шилтеме берүү менен Казинформ жазды.
Маалыматка ылайык, Жаңы эрежелер 1-сентябрдан тарта күчүнө кирет. Франция мындай чектөөнү киргизген Европадагы биринчи өлкө болуп калды.
Бийлик өкүлдөрү мындай кадам өспүрүмдөрдүн коопсуздугун чыңдоо жана социалдык платформалардын терс таасирин азайтуу максатында жасалганын билдиришти.
Мыйзамга ылайык, 1-сентябрдан тарта 15 жашка толо элек балдар социалдык тармактарда жаңы аккаунт ача алышпайт. 4 ай ичинде буга чейин ачылган аккаунттар толугу менен өчүрүлөт. социалдык тармактар колдонуучунун жашын ырастоочу атайын механизмдерди киргизет.
