Жогорку Кеңештин депутаты Эмил Жамгырчиев тармактык комитеттин жыйынына келип, кесиптештеринен аны сындабай турууну суранды. Ал ким күнөөлүү экенин сот гана чечерин айтты.
“Соттун чечими мыйзамдуу өлкөдө бул акыркы болушу керек. Кимдир бирөөнүн күнөөсү бар же жоктугун мыйзам алкагында бир гана сот далилдейт жана так кесе айта алат. Сот учурунда менин да маалыматтарым болот, баарын угуп, өкүм чыккандан кийин сын-пикир айтсак. Ата-энем, үй-бүлөм бар, аларды, өзүмдү да ыңгайсыз абалга коюп атабыз. Башка ушундай иш түшүп калса карайлап калат экенсиң”, — деди ал.
Эскерте кетсек, буга чейин депутат Эмил Жамгырчиев Жогорку Кеңештин 2-кабатынан секирип качып кеткен.
