Аламүдүн райондук соту Flyjump спорт комлексинин ээсин үй камагына чыгарды.
297-берене («Керектөөчүлөргө коркунуч жаратуу») анча оор эмес кылмыштарга кирет, ал үчүн беш жылга чейин эркинен ажыратуу каралган. Мыйзам боюнча, анча оор эмес кылмышка айыпталгандар башка жеңилирээк бөгөт чарасын колдонууга болбой турган учурда гана камакка алынат.
Ошондой эле сот чечимди кабыл алууда шектүүнүн мурда соттолбогонун, туруктуу жашай турган жери бар экенин жана тергөөдөн жашырынбаганын эске алганы белгиленди.
Эске салсак, Чуңкурчак капчыгайында бийиктиктен секирген эркек киши арканы үзүлүп кетип каза болгон. Кырсык FlyJump спорт комплексинде болгон.
