Акча каражатын опузалап талап кылуу фактысы боюнча Эсеп палатасынын мамлекеттик инспектору кармалды. Бул тууралуу УКМК билдирди.
Ал Ысык-Ата районундагы билим берүү субъекттерине (жалпы орто билим берүү мектептерине) республикалык бюджеттен бөлүнүүчү акча каражаттарын чыгымдоо боюнча аудитордук текшерүү жүргүзгөндүгү аныкталды.
Ошол эле учурда инспектор материалдык пайда алуу максатында Ысык-Ата районунун билим берүү тармагынын кызматкерлеринен текшерүүнүн жүрүшүндө аныкталган кемчиликтерди жашырып, оң аудитордук корутунду чыгаргандыгы үчүн 200 миң сом өлчөмүндө акча талап кылган.
11-апрелде Эсеп палатасынын мамлекеттик инспектору А.Э.А. 200 миң сом алып жаткан жеринен кармалды. 12-апрелде Бишкек шаарынын Октябрь райондук сотунун токтому менен ага карата 10-июнга чейин Бишкек шаарындагы №1 тергөө абагына камакка алуу түрүндөгү баш коргоо чарасы тандалды.
