Билим берүү министри Догдургүл Кендирбаева Өзгөн шаарына жасаган иш сапары учурунда унаасынан шоопуру эшик ачмайынча түшпөй отурган учур интернетке тарап, коомчулуктун кызуу талкуусуна түштү.
Социалдык тармактарда тараган видеодо министр кызматтык унаанын ичинде отуруп, эшикти шоопуру ачкан соң гана сыртка чыкканын көрүүгө болот. Бул көрүнүш көпчүлүк интернет колдонуучулары тарабынан ашыкча пафос жана мамлекеттик кызматкерге туура келбеген мамиле катары бааланды.
Айрым жарандар мамлекеттик кызматтагы жетекчилер элге жөнөкөй, ачык болушу керектигин белгилешсе, башкалары кызматтык протокол бар экенин айтып, ар кандай пикирлерди билдиришти. Учурда аталган окуя боюнча министрликтен же министрдин өзүнөн расмий комментарий берилген жок.
Посмотреть эту публикацию в Instagram
