Мурдагы «Ак-Кула» ипподромунун аймагына мезгил кутусун салууга даярдыктар көрүлүүдө.
2025-жылдын март айында мурдагы “Ак-Кула” ипподромунун аймагында бизнес борборлору, турак-жай, социалдык жана инфраструктуралык объектилер, сейил бак зоналары бар имараттар комплексинин пайдубалын түптөө пландалууда. Бүгүнкү күндө инвесторлор жер тилкесин тегиздөө иштерин башташты.
2024-жылдын 8-октябрында Министрлер Кабинетинин буйругу менен «РЦА Ливинг» ЖЧКсынын ортосундагы «Бишкек шаарында бизнес-борборлору, турак-жай, социалдык жана инфраструктуралык объекттери, сейил бак зоналары менен имараттардын комплексин куруу» инвестициялык долбоорун ишке ашыруу жөнүндө инвестициялык макулдашуунун долбоору жактырылган, ага 2024-жылдын 14-октябрында кол коюлган.
Келишимге ылайык, жер тилкесин 49 жылга пайдалангандыгы үчүн шаардык бюджетке 5,8 миллиард сом өлчөмүндө төлөм каралган.
Ошондой эле социалдык объектилерди куруу (үч жалпы билим берүү мекемеси; үч мектепке чейинки билим берүү мекемеси; сейил бактары; муниципалдык жолдор жана тротуарлар, жогоруда аталган объекттерге инженердик тармактар), кийин аларды Бишкек шаарынын муниципалдык менчигине 3,5 млрд сом өлчөмүндө акысыз берүү каралган.
Посмотреть эту публикацию в Instagram
