Кумтөр коом алдындагы социалдык милдеттерин аткаруунун алкагында өлкөдөгү медициналык мекемелерине колдоо көрсөтүүдө.
Акыркы жылдары ишкана тарабынан оорулардын алдын алууга жана дарылоонун сапатын жогорулатууга, өзгөчө алыскы аймактардагы ооруканалардын инфраструктуралык базасын жакшыртууга, маанилүү медициналык жабдыктар менен камсыз кылууга жана модернизациялоого өзгөчө көңүл бурулду.
Мындан тышкары, Кумтөр медицина кызматкерлеринин билимин өркүндөтүүгө, квалификациясын жогорулатууга багытталган иш-чара, семинарларды уюштурууга да каржылык көмөк көрсөттү. Ошондой эле капиталдык оңдоп-түзөөгө муктаж болгон айрым ооруканалардын, медициналык мекемелердин имаратын толук жасалгалап берди.
