Мексикада 80ден ашуун бейтапка жасалма Pfizer вакцинасы берилгени маалым болду. Ал эми Польшада эркек киши беттин тырышын жазууга арналган суюктукту каронавируска каршы вакцияна деп сатып, колго түшкөн. Бул тууралуу жергиликтүү басылмаларга таянып The Wall Street Journal жазып чыкты.
Мексиканын Нуэво-Леон штатындагы клиникалардын биринде 80ге жакын бейтапка ар бири 1000 долларга бааланган жасалма «Pfizer» вакцинасы берилген. Саламаттыкты сактоо министри Мануэль де ла О Кавасостун айтымында, муздаткычтан табылган вакциналардын жарактуулук мөөнөтү туура эмес болгон. Ошондой эле мамлекетке жөнөтүлгөн дары-дармектердин партияларынын номерлерине дал келген эмес.