Бишкек шаарында Expo Eurasia – 2022 жана Бишкек бизнес-форумунун алкагында Expo-Russia Kyrgyzstan 2022 өнөр жай көргөзмөсү өтүп жатат.
Иш чара Бишкектеги “Аю Гранд” соода борборунда кадимки режимде, ал эми www.ExpoRF.ru жана www.ExpoEurasia.org порталдарында онлайн режимде өтүүдө. Көргөзмө 21-23-июнга чейин болот.
Бул демилгени Кыргызстандын Соода-өнөр жай палатасы жана Россиянын «Зарубежэкспо» акционердик коому менен биргеликте уюшулган.
Ага Кыргызстандан 100гө жакын компания катышууда. Ошондой эле Россия менен Ирандан келген компаниялар да бар.
Көргөзмөнүн негизги максаты өлкөлөр ортосундагы соода-экономикалык кызматташтыкка көмөк көрсөтүү жана өнүктүрүү болуп саналат.
