Финансы министрлиги газдаштырууга 30,32 млн. сом жана мектепке чейинки билим берүүнү өнүктүрүү үчүн 17,0 млн. сом суммасында жеңилдетилген кредиттерди берди.

Бул долбоорду ишке ашырууга “Айыл Банк” жана “Элдик Банк” ачык акционердик коомдору катышууда, аларды кредиттөөнүн көлөмү 1,0 млрд. сом суммасын түзүүдө. 2024-жылдын декабрь айына карата бул долбоордун алкагында 238 каржылоо субъекттерине 30,32 млн. сом суммасына жеңилдетилген кредит берилген.

Мектепке чейинки билим берүү уюмдарынын жетишсиздик көйгөйүн чечүү жана балдарды мектепке чейинки билим берүү менен камсыз кылууну жогорулатуу максатында, Министрлер кабинетинин 2023-жылдын 14-августунда токтому менен “Мектепке чейинки билим берүүнү өнүктүрүү үчүн жеңилдетилген кредит берүү” долбоору бекитилген.

Долбоордун алкагында 2024-жылдын ичинде банктардын финансылык каражаттары ишкердик субъекттерине жана жеке жактарга мектепке чейинки билим берүү уюмдарынын жаңы имараттарын куруу, учурдагы имараттарды капиталдык реконструкциялоо, ошондой эле негизги каражаттарды сатып алуу учун жеңилдетилген пайыздык ставкалар боюнча берилген.

Долбоорду ишке ашырууга “Айыл Банк”, “Элдик Банк” жана “Керемет Банк” ачык акционердик коомдору катышууда, аларды кредиттөөнүн көлөмү 2024-жылга 97,3 млн. сом суммасын түзүүдө.

Үстүбүздөгү жылдын декабрь айына карата бул долбоордун алкагында 6 каржылоо субъекттерине 17,0 млн. сом суммасында жеңилдетилген кредит берилген.