Кечээ, 17-декабрда, кыргыз футболунун 100 жылдыгына арналган футзал боюнча достук мелдеши өттү.
Малыматка ылайык, жеңүүчүлөрдү сыйлоо аземинде өлкө башчы Садыр Жапаров 1 млн сомдук байге фондун Токмоктогу балдар үйүнө берүүнү командалар менен сүйлөшүп чечишкенин билдирди. Ошондой эле президент достук мелдеши мындан ары жылына эки жолу, декабрь жана май айында өткөрүлүп турарын кошумчалады.
Аталган турнирдин башкы максаттарынын бири өлкөдө спортту жайылтуу жана өнүктүрүү жана сергек жашоо образына түзүү.
Эскерте кетсек, мелдештин жеңүүчүсү “Өнөр” командасы болсо, экинчи орунду “Алга”, үчүнчү орунду “Президенттин администрациясы” командасы алды.