Палестина-Израиль жаңжалы башталгандан бери Газа тилкесинде 13 миңден ашык тургун каза тапты. Алардын жарымынан көбү аялдар жана балдар.
“Көз жумгандардын саны 13 миңден ашты. Анын ичинен 5,5 миңи – балдар, 3,5 миңи – аялдар. Медицина кызматкерлерининин арасынан каза тапкан дарыгерлер, медайымдар, жана фельдшерлер 201ге жетти. Ал эми жарандык коргонуунун өкүлдөрүнөн – 22, журналисттерден 60 адам каза болду”, – деп айтылат маалыматта.
Газанын өкмөтү белгилегендей, чыр-чатактын курчушунан улам 30 миңден ашык жашоочу жаракат алган, алардын 75%ы балдар жана аялдар. Ошондой эле 6 миңден ашык киши дайынсыз болууда.
