Тышкы иштер министри Руслан Казакбаев Германиянын Кыргызстандагы элчиси Габриэла Геллил менен жолугуп, эки тараптуу кызматташуу талкууланды. Бул тууралуу министрликтин басма сөз кызматы кабарлайт.
Маалыматка ылайык, Германиянын элчиси Геллил Бишкекте Франсуз-Герман Институтун ачууга кызыктар экенин билдирген.
«Бул эки өлкө ортосунда маданий жана билим берүү тармагындагы кызматташтыкты бекемдөөгө шарт түзөт«- дейт Геллил.
Ошондой эле, Германия өкмөтү COVAX механизми аркылуу Кыргызстанга 110 миң доза вакцина бөлүп берээри айтылды.
2022-жылы кыргыз-герман дипломатиялык кызматташтыгынын 30 жылдыгы. Ага карата эки тараптуу жогорку деңгээлде өз ара сапарларды уюштуруу талкууланган.
