«Хизбут-Тахрир» ДЭУ экстремисттик жашыруун уюмунун активдүү мүчөлөрүнүн тыюу салынган адабияттары табылды. Бул тууралуу УКМКнын басма сөз кызматы билдирди.
Маалыматка ылайык, 20-майда Каракол шаарынын Аксуу районунда «Хизбут-Тахрир» диний-экстремисттик уюмунун активдүү мүчөлөрү жашаган жерлерине санкцияланган тинтүү иштери жүргүзүлүп, жыйынтыгында тыюу салынган адабияттар жана баракчалар, ошондой эле электрондук алып жүрүүчүлөр (флеш-карталар, дисктер) табылып алынды.
Бул фактылар Кылмыш-жаза кодексинин 331-беренеси (Экстремисттик уюмду түзүү жана каржылоо) боюнча тергөө органдары тарабынан сотко чейинки өндүрүштүн материалдары кылмыштардын негизинде катталган жана азыркы учурда тиешелүү ыкчам-тергөө иш-чаралар жүргүзүлүүдө.
Учурда сотко чейинки өндүрүштүк материалдарынын алкагында, «Хизбут-Тахрир» ДЭУ иш-аракеттердин башка фактыларын жана жашыруун ячейкалардын активдүү мүчөлүн аныктоого багытталган иш-чараларынын комплекси уюштурулду.
