Адам өлүмү менен коштолгон жол кыймылынын кырсыктарынын 22 пайызы оң рулдуу унаалардын айдоочуларынын күнөөсүнөн болууда. Бул тууралуу ИИМден билдиришти.

«Жүргүзүлгөн изилдөөлөргө ылайык, оң рулдуу унаалардын айдоочуларынын күнөөсүнөн Кыргызстанда 2021-жылдын ичинде 1624 жол кыймылынын кырсыгы катталган же жалпы жол кыймылынын кырсыктарынын 25,1 пайызын түзөт. Анда 2772 адам жаракат алган»,- деп айтылат маалыматта.

Ал эми 2021-жылдын ичинде 176 адам каза болгон же жалпы жол кыймылынын кырсыктарынын 22 пайызын түзөт. «Кыргызстанда оң тараптуу жол кыймылы бар, ошондуктан айдоочу келе жаткан унаанын алдынан ары карай жолду көрө алышы үчүн сол жакта отурушу керек. Тез жакындап келе жаткан объект курч кырдаалда, көпчүлүк айдоочулар рулду солго бурушат. Оң жакта жүргөндө мындай тегиздик айдоочунун жанындагы жүргүнчү отургучунда адамдын өлүмүнө алып келет, ал эми сол жакта болсо, унаа адатта жөн эле жолдон чыгып кетет. Кыргызстанда оң рулдуу унаалардын саны жалпы автотранспорттун 17 пайызын түзөт. Ал эми айдоочулардын айынан жол кыймылынын кырсыгына катышуу 25% түзөт. Мындай унаалар өлүмгө алып келген оор жана өзгөчө оор жол кыймылынын кырсыктардын 60% түзөт»,- деп айтылат маалыматта.