Ички иштер министрлигине шайлоо өнөктүгү башталгандан бери 28-ноябрга чейин 408 ар кандай фактылар катталды. Бул тууралуу ички иштер министринин орун басары Октябрь Урманбетов БШКдагы түз эфир учурунда билдирди.
Алардын ичинен 67 кылмыш, 76 жорук болуп катталган. Ички иштер органдарында катталган фактылардын 37си аймактык шайлоо комиссиясынын кароосуна жөнөтүлсө, 22си териштирилип жатат. Анын ичинде жарнактарга байланыштуу 72 факты да бар.
Министрдин орун басары учурда өлкөнүн бардык аймактарында коомдук-коопсуздукту сактоо максатында күчөтүлгөн тартипте иштеп жатканын айтты. Коомдук тартипти бузгандарга катуу чара көрүлөрүн кошумчалады.
