Бишкектин Аламүдүн-1 кичи районунда сууга агып бара жаткан өспүрүм кызды ИИМ академиясынын кызматкери жана курсанттары куткарып калышты. Бул тууралуу окуу жайдын маалымат кызматынан билдирди.
Маалыматка ылайык, ИИМ академиясынын курсанттары Бекбол Молдосанов, Марсел Тынчтык уулу, Байсеит Акматов жана академиянын кызматкери, милициянын прапорщиги Мелис Осеков сууга агып бара жаткан өспүрүм кызды куткарып калышты.
Маалыматта окуянын чоо-жайы айтылган эмес.
Белгилей кетсек, кызга биринчи медициналык жардам көрсөтүп, Тез жардам кызматына тапшырып беришти.
