Бүгүн, 25-мартта Кыргызстандын имамдарына кызматтык унаалар тапшырылды. Бул тууралуу муфтияттан билдирди.
Автоунаалар рамазандык иш-чара учурунда тапшырылып, ага Дин иштери боюнча мамлекеттик комиссиясынын директору Азамат Юсупов, Кыргызстан мусулмандарынын дин башкармалыгынын муфтийи Абдулазиз Закиров, муфтийдин орун басарлары, БТК төрагасы жана дин кызматкерлери катышты.
Иш-чаранын максаты — аймактардагы дин кызматкерлеринин ишин жеңилдетип, оптималдаштыруу жана калкка ыңгайлуу жана сапаттуу диний кызматтарды көрсөтүү. Кызматтык унаалар облустун дин кызматкерлерине өз милдеттерин тез жана сапаттуу аткарууга шарт түзөт.
Эскерте кетсек, 2024-жылдын 18-декабрында ата мекендик өндүрүштөн чыккан Chevrolet үлгүсүндөгү 20 автоунаа тапшырылган болсо, бүгүн 29 кызматтык унаа тапшырылды.
