Индияда ылдам жүрүүчү поезд рельстен чыгып кетип, адам өмүрү кыйылды. Бул тууралуу Tengritravel.kz Hindustan Times басылмасына шилтеме берүү менен билдирди.
Делиден Ассамга бараткан жогорку ылдамдыктагы экспресс поезддин кеминде 12 вагону Бахир штатына жакын жерде рельстен чыгып кеткен. Бул каргашалуу окуядан төрт адам каза болуп, жүзгө чукул жаран жабыркады.
«Үч же төрт вагон тоголонуп кеткен. Окуя болгон жерге милиция кызматкерлери, жергиликтүү калк барып вагондун астында калган адамдарды чыгарууда. Ал эми жабыркаган адамдар ооруканага жеткирилүүдө. Кырсыктын себептерин тактоо үчүн окуя болгон жерге бийлик өкүлдөрү да келишти»,- деп берилет маалыматта.
