Кечээ соцтармактарда зээнди кейиткен дагы бир видео тарады. Анда атасы кичинекей кызын чыбык менен уруп, сөгүп жатканын көрүүгө болот.
Майлуу-Суу ШИИБне, Ноокен районунун 36 жаштагы тургуну арыз менен кайрылган. Анда 14-ноябрь күнү түнкү саат 00:00 чамасында 41 жаштагы жолдошу эч бир себепсиз уруп үйүнөн кууп чыккандыгын жана ал чоң кызы менен кетип, үйдө бир уулу бир кызы жолдошу менен калган учурда 2019-жылы туулган кызын уруп, видеого тартып үйгө кел, келбесен жаман болот деп коркутуп жибергендигин билдирген.
Бул факты боюнча 27-ноябрь күнү Майлуу-Суу ШИИБдин маалыматтардын электрондук каттоо журналына катталып, аймактык караштуулугу боюнча, Ноокен РИИБне жөнөтүлгөн, бүгүнкү күндө тергөөгө чейинки текшерүү иштери башталган.
Бул окуя боюнча апасы жана 2014-жылы туулган, 2017-жылы жана 2019-жылы туулган балдарына соттук-медициналык, соттук психолого-психиатриялык экспертизалар дайындалган.
1983-жылы туулган К.Т. аттуу жаран Ноокен райондук ички иштер бөлүмүнүнө жеткирилип, учурда камакта.
Учурда Тергөө амалдары жүрүп жатат.
