Искандер Гаипкуловдун мандаты ӨмүрбекТекебаевге же «Erem» клубунун аткаруучу жетекчиси Шайлообек Атазовго берилиши мүмкүн.
Белгилүү болгондой, 8-февралда Искандер Гаипкулов президенттик администрациянын стратегиялык өнүгүү саясаты, экономика жана каржы бөлүмүнүн башчысы болуп дайындалган. Ал эми тийиштүү жарлыкка Садыр Жапаров кол койгон.
Гаипкулов «Ата Мекен» фракциясынан Жогорку Кеңештин депутаты болгондуктан анын мандаты кийинки талапкерге өткөрүлүшү керек. Мандат Текебаевге өткөрүлүүсүн кулак кагыш кылган пикирлер да тараганы ырас. Бирок, Текебаевдин мандатка кайтуу боюнча ишинин жаңы жагдайлары ачылууда.
Бул маселе Борбордук шайлоо комиссиясынын отурумунда талкууланып, анда бош калган мандатты Өмүрбек Текебаевге өткөрүп берүү сунушу айтылган. Бирок, азыр мындай чечимди кабыл алуу кыйын, анткени парламентте депутаттын мандатын Текебаевге өткөрүп берүү чечими сотто каралып жатат.
