Кыргыз гидрометеорология кызматы 29-июндан 5-июлга чейинки аба ырайынын божомолун таратты.
29-июнда күн катуу ысыйт, абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө +35… +40 градуска чейин жогорулашы мүмкүн. Адистер мындай ысыкта организмди суу менен камсыздап, ысык өткөрүп алуудан сактануу үчүн күндүз күн ачык жерлерде көпкө жүрбөөнү эскертет. Ошондой эле өсүмдүктөрдү көбүрөөк сугаруу сунушталат.
1-2-3-июлда түнкүсүн жаан-чачын күтүлбөйт. Күндүз көпчүлүк аймактарда жаан жаап, күн күркүрөшү, айрым жерлерде жаан-чачын катуу жаашы божомолдонгон. 4-5-июлда көпчүлүк аймактарда күн ачык болот.
Нарын жана Ысык-Көл облустары
29-июнда айрым жерлерде өткүн өтүп, күн күркүрөшү ыктымал.
30-июнда түнкүсүн жаан-чачын күтүлбөйт. 1-2-3-июлда күндүз көпчүлүк аймактарда жаан жаап, күн күркүрөшү, айрым жерлерде жаан-чачын катуу жаашы мүмкүн. 4-5-июлда айрым аймактарда кыска мөөнөттүү жаан жаап, күн күркүрөйт.
