Аламүдүн районунун милиция кызматкерлери дайынсыз жоголуп жаткан 18 жаштагы Айдана Зоотпековага издөө жарыялады. Бул тууралуу Чүй облусунун Ички иштер башкы башкармалыгынын басма сөз кызматы билдирди.
Маалыматка ылайык, ал өткөн жылдын 30-августунда Лебединовка айылындагы үйүнөн чыгып кеткен бойдон кайтып келген эмес.
«Жоголгон адамдын белгилери: бою болжол менен 160 сантиметр, орто бойлуу, чачы кара ийнине чейин жетет, көздөрү кара, мурду кырдач бар. Ал үстүнө кызыл куртка, ак түстөгү сызыктары бар кызыл водолазка, кара өтүк кийип жүргөн», — деп билдиришти облустук ички иштер башкармалыгынан.
Милиция кызматкерлери изделип жаткан адам жөнүндө кандайдыр бир маалыматка ээ болгондордон байланышып коюууну өтүнөт: 0312363527, 0999210709, 0709211808, 0550343363, 077800099 же 102.
