Ош шаарында түнкүсүн азык-түлүк дүкөнү күйүп кеткендиги тууралуу видео социалдык тармактарга тарады. Анда, бир таңгак акчанын күйүп кеткенин көрүүгө болот.
ӨКМ менен байланышканыбызда өрт саат 06:52де толук өчүрүлгөнүн билдирди.
«Курманжан Датка көчөсүнүн №652 дарегинде жайгашкан дүкөндөн өрт чыккандыгы тууралуу маалымат түшкөн. Өрттү өчүрүүгө жалпы 2 бөлүм тартылган. Натыйжада жыгач менен жабылган 200 чарчы метр болгон дүкөн толугу менен күйгөн»,- дешти.
Учурда өрттүн келип чыгуу себеби такталууда.
