Түштүк Кореяда робот 40 жаштагы кызматкерди картон куту менен адаштырып, өлтүрүп салган.
Аталган өлкөнүн Yonhap маалымат агенттигинин маалыматына караганда, Робототехника компаниясынын кызматкери робот-машиналарды текшерип жаткан. Бир күн мурун анын сенсору иштебей калган. Робот ичинде калемпир салынган кутуларды коюш керек болгон. Бирок, ал кишини картон кутусу деп адашып кармап алып, конвейерге басып, бети менен көкүрөгүн эзип салган.
Жабырлануучу ооруканага жеткирилген, бирок аны сактап калууга мүмкүн болгон эмес.
Эскерте кетсек, март айында Түштүк Кореяда ушундай эле окуя болуп, 50 жаштагы унаа тетиктерин чыгарган заводдун жумушчусу роботтун жолуна түшүп калып, оор жаракат алган.
