Кадамжайда 14 жаштагы жашы жете элек кыз колу байланып, жип менен муунтулган абалда табылганын Баткен ОИИБ билдирген.
Кыз Кадамжай районунун Халмион айыл аймагынын 2008-жылы туулган тургуну болгон. Жашы жете элек кыздын өлүмүнүн себебин аныктоо максатында соттук-медициналык экспертиза дайындалган.
Кылмыш-жаза кодексинин 122-беренесинин 2-бөлүмүнүн 3-пункту (Адам өлтүрүү) менен каралган кылмыштын белгилери боюнча кылмыш иши козголуп, шектүү катары Кадамжай районунун Халмион айыл аймагынын тургундары 1997-жылы туулган М.Ш. 1995-жылы туулган Г.Д., жана 1998-жылы туулган А.у.С. аттуу жарандар кармалып, убактылуу кармоочу жайына киргизилген.
Бул факты боюнча учурда тергөө амалдары жүрүүдө.