Ош — Раззаков унаа жолунун жээгинде мыйзамсыз курулуштар аныкталды. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдирди.
Кадамжай районунда жайгашкан үч-Коргон айыл аймагы аркылуу өткөн Ош — Раззаков унаа жолунун коргоо аймагына чыгып, курулган 89 мыйзамсыз курулуш объект аныкталган.
Буга чейин курулуш объекттердин ээлерине тиешелүү эскертүүлөр берилген. Бүгүнкү күндө 15 ке жакын мыйзамсыз курулуштар жарандардын өз эсебинен бузулуп, жер тилкелери кайрадан калыбына келүүдө. Буга окшогон иш аракеттер райондун башка аймактарында дагы уланууда.
