Кадамжайда катуу шамал болуп, турак үйлөр менен мекемелердин чатырын учуруп кетти. Бул тууралуу аймактык кабарчы билдирди.
Маалыматка ылайык, 2021-жылдын 22-январында Кадамжай районуна караштуу Халмион, Кыргыз-Кыштак жана Совет айыл аймактарында эрте мененки саат 7-8дер чамасында катуу куюн аралаш шамалдын кесепетинен айыл аймактарда мекеме жана турак үйлөр кыйроого учураган.
«Халмион айыл аймагынын Жошук айылында М. Юсупов орто мектебинин спорт залынын жана актовый залынын темир листен жабылган чатырын учуруп кеткен. Кыргыз Кыштак айыл аймагынын Торговый участкасындагы авто мойканын темир листен жабылган чатыры учуп жанында жайгашкан турак үйдүн чатырынын үстүнө түшкөн. Ошол эле участкадагы аялдама шамалдын кесепетинен жыгылган. Совет айыл аймагындагы 3 турак үйдүн кээ бир жерлеринен шиферлерин жана 1 бастырманын темир листен жабылган чатырын учурган. Маалымат такталууда кошум берилет», — деп жазылат маалыматта.
