Профессор, түрк таануучу Кадырали Конкобаев: Президент Садыр Жапаровдун чечими менен кыргыз тарыхын жаңылап жазуу боюнча атайын комиссия түзүлдү, анын биринчи жыйыны да болуп өттү. Советтик мезгилде, 1984-жылы чыккан академиялык китептен бери Кыргызстандын тарыхы боюнча олуттуу эмгек эмгиче жок, ал китеп болсо ошол мезгилдеги коммунисттик идеологиянын нугунда жазылган. Жакында жакында жаңы китептин концепциясы иштелип чыгып, кийин эмгек өзү да жазылат.
Илгери, IX-X кылымда Улуу кыргыз каганаты болгонун билебиз, бирок мамлекет өзүнүн жазма тили жок жашай албайт, ошондуктан Кыргыз каганатынын расми тили катары байыркы түрк, же орхон-енисей тили колдонулган десе болот. Ошол байыркы түрк жазмалары тууралуу биз азыр 7 томдук эмгек даярдадык, анын биринчи тому орус тилинде жарык көрдү, калгандарын, мүмкүн, биз түрк тилинде чыгарып калышыбыз мүмкүн. Ал байыркы түрк тилин кадимки эле кыргыз тили деп да атаса болот.
