УКМКнын төрагасы Камчыбек Ташиев Германиядан ооруканага жетпей, Кыргызстанга кайтты. Бул тууралуу ал өзүнүн Facebook баракчасына жазып чыкты.
Анын айтымында, кечээ, 28-апрелде ден соолугуна байланыштуу Германияга учуп кеткен.
«Урматтуу Кыргыз элим! Мен кечээ 28.04. эрте менен ден соолугумду каратуу үчүн Германияга учуп кеткен элем, бирок бүгүнкү Баткендеги окуяларга байланыштуу кайрадан артка учуп чыктым, больницага жетпей кайттым, буюруса түнү менен жетип барам. Баарыңыздарга сабырдуулук тилеймин. Мекендин чеги өмүрдөн да кымбат, ынтымакта баарын жеңебиз!!!», — деп жазылат билдирүүдө.
«Головной ким тарабынан курулган?» Чек ара чырынын хронологиясы