“Эң негизгиси — эмгек. Жөн эле керебетке жатып алып, Месси же Роналду болом деген жарабайт. Ал үчүн күндө чуркап, эмгек кылыш керек. Жеген тамагыңарды, режимиңерди карагыла, уктап, телефонго жабышып жата бербей. Спорт аянтчасына көбүрөөк чыккыла, техниканы үйрөнгүлө. Билбесеңер уялбай эже-агайлардан сурагыла, бири-бириңерге жардам бергиле. Кудай буюрса, Кыргызстан футбол державасы болот. Кыргыздын балдары дүйнө чемпионатында, чоң европалык клубдарда ойногон убакыт келет”, — деди УКМК төрагасы жаш спортчулар менен жолугушуусунда.
Камчыбек Ташиев Кыргызстан футбол державасы болорун айтты
