Жаш өткөн сайын адамдын кан тамыры катуу болуп, начарлап баштайт. Бул тууралуу Москванын Саламаттык сактоо департаментинин дарыгери Надежда Рунихина кеңештери менен бөлүшкөн.
Карыганда кан тамырдын ишин жакшыртуу үчүн эмне кылуу керек?
Бул процесске бир гана карылык эмес, туура эмес тамактануу, өзгөчө туз, кумшекер, майлуу тамактар таасир этет. Кан тамырдын иштөөсүн жакшыртууга жашылча-жемиштер, балык сыяктуу курамында омега-3 майы бар азыктар жардам берет. Мындан тышкары, кыймыл маанилүү. Ошондой эле дене тарбия көнүгүүлөрүн жасап, жөө басуу сунушталат.
