Социалдык тармактарда “мандатымды агама белек кылам” деген аталыш менен видеотасма жарыяланды. Анда, окуя Кара-Суу районунун Тельман айылында болгону айтылат.
Бул видео талкууга алынып, коомчулукта ар кандай пикирлер жаралды. Мандат бул — элдин ишеними, аны кантип бирөөгө белекке берет деген өңдүү нааразычылыктар да пайда болду.
Көп өтпөй, Борбордук шайлоо комиссиясы бул окуя боюнча комментарий берди. БШКнын маалымат катчысы Эргали Аманбаев 7-каналга билдиргендей, видеодогу окуя “Эмгек” партиясынын штабында орун алган. “Эгер партиянын ичинде орун алмашуулар болсо, БШКга арыз жазылыш керек болчу. Бул боюнча аймактык шайлоо комиссиясына да арыз келген эмес. Партиянын тизмедеги номурлары да ошол бойдон сакталган”, — дейт Аманбаев.
Посмотреть эту публикацию в Instagram
