Илим Карыпбеков өзүнүн социалдык тармактагы баракчасына блогерлер тууралуу өз оюн билдирип, негизи эле блог жөнүндө түшүнүк берди.
“Бүгүнкү күндө журналисттер кээде эле кезикпесе, блогермин деп шоу бизнестегилер, дегеле активдүү образ жүргүзүп, публикадан коркпогон өзүнүн оюн айткан адамдар жүрөт. Алар кайсы бир деңгээлде журналисттин жумушун жасап жатышат. Блогерлер журналисттин ролун аткарып, ар кандай иштерди аткарып коомчулукка таанылып жүрүшөт. Жеке Эртай Искаков менен Улукбек Карыбек уулунун иши боюнча айта албайм, анткени жагдайларын билбейм.
Журналист болуу үчүн көп жыл окуйт, андан соң тажрыйба алат. Журналисттер 5-10 жыл ушул тармакта иштеп, маалыматты этияттык менен колдонот. Блогерлер 1-2 жылдын ичинде эле популярдуу боло калат. Тилекке каршы, хайп кармап, элге жага турган материалдарды алып, иштешет . 1-2 жылдык тажрыйба жетиштүү эмес. Маалымат деген өтө орчундуу материал”,-деди ал.
